,

La sustinibilitati di la nnipinnenza

La Nnipinnenza d’un Pòpulu dipenni di tanti fattori.

 

Non basta diri “Vulemu èssiri nnipinnenti”. Pi putìricci addivintari veramenti ci vonnu tanti cosi misi nzèmmula.

 

La nnipinnenza storica: Avemu na identità e na tradizioni di statu propiu?

 

La nnipinnenza giogràfica: Li nostri cunfini sunnu chiari?

 

La nnipinnenza energètica: avemu la possibilità di non aviri bisogno di nuddu p’addumari la luci?

 

La nnipinnenza alimentari: lu nostru prodottu ni po abbastari pi la nostra tàvula?

 

La nnipinnenza ètnica: lu nostri pòpulu è omogeniu a sufficienza p’un aviri lotti a lu nostru nternu?

 

La nnipinnenza militari: ni sapemu addifènniri suli?

 

Ora, non voghiu oji rispùnniri a tutti sti dumanni.

Sugnu certu, però, di na cosa. Quantu a energìa non ni serbi nenti. Ntra li fonti rinnovàbili, ntra chiddi di l’idrocarburi tradizionali, ntra lu gassi ca n’arriva di l’Algeria, nuàutri ‘un avìssimu bisognu di nuddu. Pi nuàutri la guerra in Ucraina fussi un fattu luntanu. Purtroppu, facennu parti di l’Italia, âm’a rijalari la nostra energìa a lu Cuntinenti e fàrinni trascinari nna guerri chi non n’appartennu.

 

Pinzànnucci bonu, puru a tutti l’àutri dumanni la risposta mi parissi positiva. L’ùnica dibulizza mi pari chidda militari. La Sicilia avi bisognu di paci nta lu Miditirraniu, ma – si paci non cci nn’è – comu s’addifenni? E si vidi ca s’addivintamu ndipinnenti, âm’a ricostruiri la nostra flotta, aeria e navali. Li cunfini di la Sicilia sunnu mari e cielu, e di lu mari e di lu cielu ponnu arrivari li nostri nnimici.

0 commenti

Lascia un Commento

Vuoi partecipare alla discussione?
Sentitevi liberi di contribuire!

Lascia un commento