Pìnnuli di sicilianu – Manciari

(nna la fotu, pani cu la mèusa)

Li palori ‘n sicilianu assimìghianu quasi sempri a chiddi taliani. Cci sunnu certi règuli grammaticali di seguiri pi trasfurmari na palora taliana ‘n sicilianu, ma certi vôti la palora è completamenti diffirenti.

Oji parramu di manciari e videmu sta currispunnenza ntra lu talianu e lu sicilianu.

Pane – Pani

Pesce – Pisci

Burro – Burru

Uva – Racina

Cioccolato – Cioccolattu

Banana – Banana

Pollo – Pollu (chiddu ca si mancia, dirivatu di lu talianu; chiddu vivu non avi ‘un nomu. Fussi “puddu”, chi però spirìu di la nostra lingua; avemu “puddaru”, cioè “pollaio”, “puddastru”, “pollastro”, “puddicinu”, “pulcino”, ma “puddu” lu putemu usari comu palora ricostruìta)

Spaghetti – Spachetti

Peperoni – Pipi (pipi signìfica macari “pepe”, e si capisci di lu contestu nzoccu signìfica)

Uova – Ova

Insalata – Nzalata

Sedano – Accia

Riso – Risu

Latte – Latti

Patate – Patati

Formaggio – Caciu

Funghi – Funci

Caffè – Cafè

Pasta – Pasta

Prosciutto – Pruciuttu

Carne – Carni

Dolci – Cosi duci

Acqua – Acqua

Vino – Vinu

Frizzante – Gassata, Pizzicanti

Caldo – Càudu (prununciatu macari “càuru” o “càvuru”)

Freddo – Friddu (cu la doppia D prununciata a la taliana, no cacuminali)

Piccante, Saporito – Picanti

Insipido – Greviu, Sciapu

Salato – Salatu

Dolce – Duci

Aspro – Aspru

Amaro – Amaru

Cotto – Cottu

Crudo – Crudu (prun. “Cruru”)

Buono – Bonu

Cattivo – Ladiu (prun. “lariu”; si dici di lu manciari c’un è bonu, ma “cattivo” comu caràttiri, si dici “tintu”)

Fresco – Friscu

Mela – Pumu (pl. “puma”)

Pera – Piru (pl. “pira”)

Uva – Racina

Albicocca – Varcocu, Piricocu (pl. “varcoca”, etc)

Pesca – Pèrsica

Noce – Nuci

Nocciola – Nucidda

Mandorla – Mènnula

Arancia – Aranciu

Mandarino – Mannarinu

Limone – Limiuni

Fico – Ficu (pl. “ficu”)

Ficodindia – Ficudinnia (prun. “ficurinnia”, pl. lu stissu)

Cocomero, Melone – Muluni (russu, biancu,…)

Zucca, Zucchina – Cucuzza